Fituesi i Kupës së Botës, Angel Di Maria nuk mori pjesë në fitoren e Juventusit ndaj Cremonese, por së shpejti mund të rikthehet në fushë për Zonjën e Vjetër.

34-vjeçari argjentinas u përjashtua nga përballja në Cremonese për shkak të një dëmtimi të lehtë në kyçin e këmbës, duke vazhduar tendencën e tij fatkeqe të përjashtimit nga ndeshjet e Bianconerëve për shkak të problemeve fizike.

Di Maria humbi gjashtë ndeshje në Serie A në gjysmën e parë të sezonit për shkak të lëndimeve dhe shpreson të rikthehet në muajt e ardhshëm.

Sipas gazetës Tuttosport, Juventusi shpreson të rikuperojë Di Marian në kohë për ndeshjen e tyre të ardhshme me Udinesen.

Anësori argjentinas mund të zbresë nga stoli në këtë ndeshje, duke i dhënë disa minuta në këmbë përpara ndeshjes kyçe me Napolin pas dy javësh.

34-vjeçari dëshmoi klasin dhe cilësinë e tij në Kupën e Botës në Katar dhe Bianconerët janë të etur për ta parë lojtarin në më të mirën e tij në gjysmën e dytë të këtij sezoni. /Telegrafi/

? Angel #DiMaria dopo aver ricevuto una botta alla caviglia destra, dovrebbe rientrare nella prossima sfida contro l’Udinese ???#Juventus
[@tuttosport] pic.twitter.com/UdfnIuxT5E

— Gabry On ⚪⚫ (@GabryOn_) January 5, 2023